ৰাম চৰণ আৰু চিৰাঞ্জীবীয়ে কিয় সদায় লগত লৈ যায় প্ৰেছাৰ কুকাৰ?

অস্কাৰ বিজয়ী RRR চলচিত্ৰৰ জৰিয়তে বিশ্বজুৰি খ্যাতি অৰ্জন কৰা দক্ষিণ ভাৰতৰ জনপ্রিয় অভিনেতা ৰাম চৰণ, বিদেশ ভ্ৰমণ কৰিলেও নিজৰ দৈনন্দিন জীৱনৰ অভ্যাসৰ সৈতে কোনো আপোচ নকৰে। তেওঁৰ পত্নী উপাসনা কমিনেনি কোনিডেলাই মছুম মিনাৱালাৰ YouTube শ্ব’ত এক কথোপকথনত এই বিশেষ অভ্যাসৰ বিষয়ে জনায়।

বিদেশ ভ্ৰমণত ৰাম চৰণ আৰু চিৰাঞ্জীবীয়ে কিয় সদায় লগত লৈ যায় প্ৰেছাৰ কুকাৰ — বিদেশ ভ্ৰমণত ৰাম আৰু চিৰাঞ্জীবীয়ে কিয় সদায় লগত লৈ যায় প্ৰেছাৰ কুকাৰ

ৰাম চৰণ আৰু চিৰাঞ্জীবী দৈনন্দিন জীৱনৰ অভ্যাস

উপাসনাই কয়, “আমাৰ যিকোনো স্থানলৈ ভ্ৰমণ হওক, মোৰ স্বামীয়ে প্ৰতিদিনে ভাৰতীয় আহাৰ গ্ৰহণ কৰে। আমি ঘৰৰ পৰা প্ৰেছাৰ কুকাৰ লৈ যাওঁ, আৰু মোৰ শাহু আইয়ে তৈয়াৰ কৰা ৰেডি-মিক্সৰ সহায়ত আমি যিকোনো ঠাইতে নিজা আহাৰ ৰান্ধোঁ।” তেওঁ লগতে উল্লেখ কৰে, “আমাৰ হোটেলৰ বাথৰুমত কুকাৰ প্লাগ ইন কৰোঁ যাতে ফায়াৰ এলাৰ্ম নাবাজে।”

এই পৰম্পৰাৰ আৰম্ভণি Ram Charanৰ পিতৃ, সুপ্ৰসিদ্ধ অভিনেতা চিৰাঞ্জীবীৰ পৰা। তেওঁলোকৰ মাতৃ শুৰেখা কোনিডেলাই নিজে তৈয়াৰ কৰা পুষ্টিকৰ, সেউজীয়া ৰেডি-মিক্সৰ জৰিয়তে Atthamma’s Kitchen নামৰ উদ্যোগ আৰম্ভ কৰে। এই উদ্যোগে স্থানীয় মহিলাসকলৰ উপাৰ্জনাৰ সুযোগ সৃষ্টি কৰাৰ লগতে ঘৰৰ বাহিৰতো স্বাস্থ্যকৰ ভোজ্য সামগ্ৰী যোগান ধৰে।

এই অনন্য অভ্যাসে ৰাম চৰণ আৰু তেওঁৰ পৰিয়ালক বিদেশত থাকিলেও ভাৰতীয় পৰম্পৰা, খাদ্য-সংস্কৃতি আৰু জীৱনধাৰাৰ সৈতে সংযুক্ত কৰি ৰাখে। যাত্ৰাৰ মাজতো নিজৰ খাদ্য-সংস্কৃতি আঁকোৱালি ধৰি ৰখা—এইয়া হৈছে ৰাম চৰণ পৰিয়ালৰ সত্য পৰিচয়