Gauri Spratt কোন? বলিউড চুপাৰষ্টাৰ আমিৰ খানৰ নতুন সংগীৰ সকলো তথ্য

বলিউডৰ চুপাৰষ্টাৰ আমিৰ খানে তেওঁৰ ৬০তম জন্মদিনৰ প্ৰাকক্ষণত মিডিয়াক তেওঁৰ নতুন সংগী গৌৰী স্প্ৰাট (Gauri Spratt)ৰ সৈতে চিনাকি কৰাই দিলে। আমিৰ খানে গৌৰীৰ গোপনীয়তা ৰক্ষা কৰিবলৈ মিডিয়া আৰু পাপাৰাজিৰ পৰা বিশেষ অনুৰোধ জনাইছিল, যাৰ বাবে তেওঁৰ কোনো ফটো উলিওৱা হোৱা নাই।

Gauri Sprattৰ সকলো তথ্য:

গৌৰী স্প্ৰাট (Gauri Spratt)ৰ জন্মস্থান বেংগালুৰু। তেওঁ বৰ্তমান আমিৰ খান ফিল্মছত কাম কৰি আছে। তেওঁৰ মাতৃ ৰীতা স্প্ৰাটে বেংগালুৰুত এটা চেলুন চলাইছিল। গৌৰীয়ে ব্লু মাউণ্টেইন স্কুলত শিক্ষা গ্ৰহণ কৰিছিল আৰু তেওঁৰ পেছাগত পটভূমি হেয়াৰ ড্ৰেছিংৰ সৈতে জড়িত, আৰু লণ্ডনৰ ইউনিভাৰ্চিটি অফ আৰ্টছৰ পৰা ফেশ্বন, ষ্টাইলিং আৰু ফটোগ্ৰাফীত FDA ডিগ্ৰী লাভ কৰিছে। গৌৰীৰ মাতৃ তামিল আৰু পিতৃ আইৰিছ (Irish)। তেওঁৰ ককাক এগৰাকী স্বাধীনতা সংগ্ৰামী আছিল। গৌৰী এগৰাকী মাতৃও, তেওঁৰ ছয় বছৰীয়া এটা পুত্ৰ সন্তান আছে। তেওঁৰ লিংকডইন প্ৰ’ফাইল অনুসৰি, গৌৰীয়ে মুম্বাইত বি-ব্লাণ্ট চেলুন চলাই আছে।

আমিৰ খানৰ সৈতে গৌৰী স্প্ৰাটৰ সম্পৰ্ক:

মিডিয়াৰ প্ৰতিবেদন অনুসৰি, আমিৰ আৰু গৌৰীৰ সম্পৰ্ক প্ৰায় ১৮ মাহৰ, যদিও তেওঁলোক পৰস্পৰক ২৫ বছৰৰো অধিক সময় ধৰি চিনি পায়। আমিৰ খানে কৈছে যে গৌৰী এতিয়া বলীউডৰ উন্মাদনাৰ লগত খাপ খুৱাই লৈছে। তেওঁ কেৱল আমিৰৰ কেইখনমান চলচ্চিত্ৰহে চাইছে, য’ত “লগান” আৰু “দঙ্গল” অন্যতম।

আমিৰ খানৰ সৈতে গোপনীয়তা:

আমিৰ খানে মিডিয়াক কৈছে যে Gauri Spratt বেংগালুৰুত থাকিছিল, যাৰ বাবে তেওঁলোকৰ সম্পৰ্ক মিডিয়াৰ পৰা গোপন ৰাখিবলৈ সক্ষম হৈছিল। আমিৰে কৈছে, “মই তেওঁক লগ কৰিবলৈ বেংগালুৰুলৈ গৈছিলোঁ, আৰু তাত মিডিয়াৰ দৃষ্টি কম আছিল।”

পৰিয়াল আৰু বন্ধুৰ সৈতে চিনাকি:

আমিৰ খানে ইতিমধ্যে গৌৰীক তেওঁৰ সন্তান, পৰিয়াল আৰু দীৰ্ঘদিনীয়া বন্ধু শাহৰুখ খান আৰু চালমান খানৰ সৈতে চিনাকি কৰাই দিছে। ১২ মাৰ্চত চালমান খান আৰু শাহৰুখ খানে আমিৰৰ ঘৰলৈ গৈ গৌৰীক লগ পাইছিল।

জন্মদিনৰ উদযাপন:

আমিৰ খানৰ জন্মদিনৰ তাৰিখ ১৪ মাৰ্চ আৰু আজি আমিৰৰ জন্মদিন। আমিৰ খানে আজি তেওঁৰ ৬০তম জন্মদিন উদযাপন কৰিব, য’ত Gauri Sprattও উপস্থিত থাকিব। আমিৰে কৈছে যে তেওঁ এটা পৰিয়ালিক ডিনাৰৰ আয়োজন কৰিছে, য’ত গৌৰীয়েও অংশগ্ৰহণ কৰিব। গৌৰী স্প্ৰাট (Gauri Spratt)ৰ সম্পৰ্কে এই তথ্যই তেওঁক আৰু অধিক চৰ্চাৰ কেন্দ্ৰবিন্দুলৈ আনিছে। আমিৰ খানৰ জীৱনত গৌৰীৰ প্ৰৱেশই তেওঁৰ প্ৰেমজীৱনৰ এক নতুন অধ্যায়ৰ সূচনা কৰিছে।