Ranji Trophyৰ দ্বিতীয় পৰ্যায়ত আজি মুম্বাইয়ে জম্মু-কাশ্মীৰৰ বিৰুদ্ধে খেল আৰম্ভ কৰিছে। চৰদ পৱাৰ ক্ৰিকেট একাডেমী BKC, মুম্বাইত এই খেলৰ আৰম্ভণিতে মুম্বাইৰ অধিনায়ক অজিঙ্ক্যা ৰাহানেয়ে টছ জিকি বেটিঙৰ সিদ্ধান্ত লয়। টিম ইণ্ডিয়াৰ অধিনায়ক ৰোহিত শর্মা প্রায় দহ বছৰৰ পিছত নিজৰ মুম্বাই দলেৰে Ranji Trophyত অংশগ্রহণ কৰিছে।

Ranji Trophyৰ মূখ্য আকৰ্ষণ: ৰোহিত শর্মাৰ চমক

মুম্বাইৰ অধিনায়ক অজিঙ্ক্যা ৰাহানে (Ajinkya Rahane) ৰোহিতৰ বিষয়ে কয়, “ৰোহিত শর্মা তেওঁৰ খেল সম্পৰ্কে সচেতন। তেওঁ যেতিয়া ফৰ্মত থাকিব, এটা ডাঙৰ ইনিংছ খেলিব।” মুম্বাইৰ প্ৰথম ইনিংছত যশস্বী জয়চৱালৰ সৈতে ৰোহিতে আৰম্ভণি কৰে। তেওঁৰ উপস্থিতিয়ে দলৰ নতুন প্ৰজন্মক উৎসাহিত কৰিব বুলি ৰাহানে বিশ্বাস কৰে।

2015 চনত Ranji Trophyত মুম্বাইৰ হৈ ৰোহিতে শেষবাৰৰ বাবে অংশগ্ৰহণ কৰিছিল। তেতিয়া তেওঁ উত্তৰ প্ৰদেশৰ বিৰুদ্ধে 113 ৰাণৰ ইনিংছ খেলি দলৰ বাবে অমূল্য যোগান দিছিল।

এই বছৰৰ ৰঞ্জি ট্ৰফীত BCCIয়ে গৃহৰ ক্ৰিকেটক গুৰুত্ব দিয়াৰ নিৰ্দেশ দিছে। ভাৰতৰ অধিনায়ক ৰোহিত শর্মাৰ ফৰ্ম পুনৰুদ্ধাৰ কৰিবলৈ এই খেল অত্যন্ত গুৰুত্বপূর্ণ। ভাৰতৰ চেম্পিয়নছ ট্ৰফীৰ সফলতাৰ বাবে ৰোহিতৰ ৰূপত দলৰ আশা নিৰ্ভৰ কৰিছে।

জম্মু-কাশ্মীৰৰ বিৰুদ্ধে মুম্বাই দলৰ খেলুৱৈসকল

Ajinkya Rahane (c), Rohit Sharma, Yashasvi Jaiswal, Shreyas Iyer, Shardul Thakur, Shivam Dube, Shams Mulani, Tanush Kotian, Hardik Tamore (wk), Mohit Avasthi, Karsh M Kothari

Ranji Trophyত মুম্বাই দলৰ লক্ষ্য

মুম্বাই দলে Barodaৰ বিৰুদ্ধে হোৱা পৰাজয়ৰ পৰা ঘূৰি আহি দলৰ 43 সংখ্যক খিতাপ অৰ্জন কৰাৰ লক্ষ্যত আগবাঢ়িছে। গ্ৰুপ A-ৰ দ্বিতীয় স্থানত থকা জম্মু-কাশ্মীৰৰ বিৰুদ্ধে এই খেল মুম্বাইৰ বাবে এক প্ৰত্যাহবান।

লাইভ আপডেটৰ বাবে লগত থাকক।