বলিউডৰ জনপ্রিয় অভিনেতা আমিৰ খানৰ ১৯৯৬ চনৰ ব্লকবাষ্টাৰ(blockbuster) ছবি “ৰাজা হিন্দুস্তানী” ক ’সুবিধাজনক নহয়’ বুলি অভিহিত কৰিছে তেওঁৰ ভতিজা তথা অভিনেতা ইমৰান খানে। ২০১৫ চনত মুক্তি পোৱা ‘কটি বটি ( Katti Batti)’ ছবিখন পাছত চলচ্চিত্ৰ জগতৰ পৰা আঁতৰি থকা ইমৰানে Filmfare ৰ সৈতে এটি সাক্ষাৎকাৰত এই মন্তব্য কৰে।
Table of Contents
ৰাজা হিন্দুস্তানী চোৱা বৰ সুবিধাজনক নহয়
ইমৰানে কয়, “নব্বৈৰ দশকৰ বহু চিনেমা আধুনিক দৃষ্টিকোণৰ পৰা উপযুক্ত নহয়।বিশেষকৈ ৰাজা হিন্দুস্তানী এখন যথেষ্ট সফল চিনেমা আছিল যদিও, আজি এই চিনেমাখন চালে কিছুমান দৃশ্য অতি অসহজ লাগে। তেওঁৰ মতে, এই চিনেমাখনৰ কিছু মুহূর্ত বৰ অস্বাভাৱিক আৰু আধুনিক দৃষ্টিভংগীৰে ভুল যেন লাগে।
ধৰ্মেশ দৰ্শনৰ পৰিচালনাত ৰাজা হিন্দুস্তানী চিনেমাখনত আমিৰ খান আৰু কৰিশ্মা কাপুৰে মুখ্য চৰিত্ৰত অভিনয় কৰিছিল। এজন টেক্সি চালক আৰু এগৰাকী ধনী মহিলাৰ প্ৰেম কাহিনীৰ আধাৰত নিৰ্মিত এই ছবিখনে নব্বৈৰ দশকৰ ব্যৱসায়িকভাৱে সফল ছবিসমূহৰ ভিতৰত অন্যতম হিচাপে পৰিগণিত হৈছিল।
আমিৰৰ পৰা অনুপ্ৰেৰণা লোৱাৰ কথা
সাক্ষাৎকাৰত ইমৰান খানে লগতে কয় যে তেওঁ জীৱনৰ বহু ক্ষেত্ৰতে আমিৰ খানক অনুসৰণ কৰে। তেওঁ কয়, “মই তেওঁৰ পৰা নৈতিকতা আৰু সত্যতাক মূল্য দিয়াৰ শিক্ষা পাইছোঁ। কেতিয়াবা মই ভাবোঁ — ‘এই সময়ত তেওঁ কি কৰিলেহেঁতেন?’ যদিও আমাৰ দৃষ্টিভংগী ভিন্ন, তথাপিও তেওঁৰ সততা আৰু কৰ্মনীতি মোৰ বাবে এক পথ প্ৰদৰ্শক। মই এতিয়াও সেই শিক্ষাত দৃঢ়তাৰে ধৰি ৰাখিছো। ইমৰান খান জানে তু… য়া জানে না (২০০৮) চিনেমাৰ জৰিয়তে বলিউডত অভিষেক কৰিছিল। কেইমাহমানৰ আগতে তেওঁ কৈছিল যে তেওঁ Disney+ Hotstar ৰ সৈতে এখন স্পাই ছিৰিজত কাম কৰাৰ কথা ভাবিছিল যদিও প্ৰকল্পটো বাতিল কৰা হৈছিল।
লগতে পঢ়ক – Aamir Khan Talkies – আমিৰ খানে আৰম্ভ কৰিছে YouTube চেনেল
