ৰূপহীহাটৰ নতুন বজাৰত চাঞ্চল্যকৰ ঘটনা সংঘটিত হয়, য’ত দুৰ্বৃত্তৰ দলএ ধুবুৰীৰ সাংসদ ৰকিবুল হুছেইনক আক্ৰমণ কৰে। হুছেইন ৰূপহীৰ গুনাবাৰীত এখন কৰ্মী সভাত অংশ গ্ৰহণ কৰিবলৈ গৈ থকা সময়তে এই অপ্ৰত্যাশিত ঘটনা ঘটে।
Table of Contents
প্ৰাপ্ত তথ্য অনুসৰি, দুৰ্বৃত্তসকলে সাংসদ গৰাকীক লক্ষ্য কৰি আক্ৰমণ চলায়। তেওঁ স্কুটিৰে সভালৈ গৈ থকা অৱস্থাত স্কুটি খনো ভাঙি তচনচ কৰে। লগতে, দেহৰক্ষীক ভয়ংকৰভাৱে আক্ৰমণ কৰে। এই ঘটনা সংঘটিত হোৱাৰ পাছতো আৰক্ষীৰ দ্বাৰা কোনো পূৰ্বসতর্কতা গ্ৰহণ নকৰাত বিভিন্ন প্ৰশ্ন উত্থাপন হৈছে।
সাংসদ ৰকিবুল হুছেইনৰ অভিযোগ
সাংসদ ৰকিবুল হুছেইনে আৰক্ষীক অৱগত কৰাৰ পিছতো, ৰূপহীহাট আৰক্ষীয়ে নিৰাপত্তা ব্যৱস্থা সঠিকভাৱে গ্ৰহণ নকৰাৰ অভিযোগ তুলিছে। বিশেষকৈ, থানাৰ ভাৰপ্ৰাপ্ত বিষয়া সঞ্জীৱ কুমাৰ ৰয়ৰ কাৰ্যকালতে কিয় সাংসদ হুছেইনৰ ওপৰত একাধিক আক্ৰমণৰ ঘটনা সংঘটিত হৈছে, সেইটো সন্দেহৰ সৃষ্টি কৰিছে।
সাংসদ ৰকিবুল হুছেইনে বহুদিনৰে পৰা ৰূপহীহাট আৰক্ষী থানাৰ দায়িত্বপ্ৰাপ্ত বিষয়া গৰাকীৰ বিৰুদ্ধে অভিযোগ জনাই আহিছে। সাংসদগৰাকীয়ে দাবী কৰিছে যে, বিষয়াগৰাকী কেইবাবাৰো বদলিৰ পিছতো পুনৰ ৰূপহীহাটলৈ কিয় আনা হৈছে।
এই ঘটনাই অঞ্চলজুৰি তীব্ৰ প্ৰতিক্ৰিয়া সৃষ্টি কৰিছে।
আন এটা খবৰৰ বাবে পঢ়ক : গুৱাহাটীৰ পৰা নিখোজ দুগৰাকী ছাত্ৰী: ৪৮ ঘণ্টাৰ পিছতো সন্ধান নাই উৰ্মি আৰু অনামিকাৰ
আক্ৰমণৰ ঘটনা link : সাংসদ ৰকিবুল হুছেইনক আক্ৰমণ
Leave a Reply