ডিমাহাছাওৰ উমৰাংছুৰ কয়লা খনিত সংঘটিত হোৱা হৃদয়বিদাৰক ঘটনাৰ তদন্তৰ দাবীত অসমীয়া যুৱ মঞ্চ। সমগ্ৰ ৰাজ্যক শোকাকুল কৰি তুলিছে। চি,ই,এম দেৱলাল গাৰ্লোচাৰ পত্নী কণিকা হোজাইৰ নামত চলা এই কয়লা খনিত তিনিজন শ্ৰমিকৰ মৃতদেহ উদ্ধাৰ হৈছে আৰু প্ৰায় ৮ জন শ্ৰমিক বৰ্তমানেও খনিত আৱদ্ধ হৈ আছে। জীৱিত নে মৃত সেই তথ্য এতিয়াও স্পষ্ট হোৱা নাই।

কয়লা খনিত সংঘটিত হোৱা হৃদয়বিদাৰক ঘটনাৰ তদন্তৰ দাবী অসমীয়া যুৱ মঞ্চৰ

অসমীয়া যুৱ মঞ্চই অভিযোগ উত্থাপন কৰিছে যে নিষেধাজ্ঞা থকা সত্ত্বেও এই খনিৰ অবৈধ খনন চলাই আছে। সংগঠনটোৱে প্রশ্ন কৰিছে, ৰাজনৈতিক প্ৰভাৱৰ অপব্যৱহাৰে কেনেকৈ এই খনন কার্য অব্যাহত ৰাখিব পৰিছে? লগতে সংগঠনটোৱে দাবী কৰিছে যে এই হৃদয়বিদাৰক ঘটনাৰ বাবে দায়িত্ববান ব্যক্তি সকলক বিচাৰি বিহিত শাস্তি দিয়াৰ লগতে শ্ৰমিকৰ পৰিয়ালক আৰ্থিক সাহাৰ্য প্ৰদান কৰা হ’ব লাগিব।

অসমীয়া যুৱ মঞ্চই উমৰাংছুৰ এই অবৈধ কয়লা খনন বন্ধ কৰাৰ লগতে অসমত চলি থকা অন্যান্য অবৈধ কয়লা ছিণ্ডিকেটৰ বিৰুদ্ধে কটকটীয়া পদক্ষেপ ল’বলৈ চৰকাৰক আহ্বান জনাইছে। মুখ্যমন্ত্ৰীৰ দায় সৰা মনোভাৱৰ তীব্ৰ সমালোচনা কৰি, সংগঠনটোৱে কয়লা খনিৰ কার্যকৰী তদন্তৰ জৰিয়তে সত্য উলিয়াই আনিবলৈ দাবী জনাইছে।

ঋণৰ চাপত সন্ধানহীন মহিলা: মৰিগাঁও জিলাৰ মিকিৰভেটা আৰক্ষী থানাৰ অন্তৰ্গত বেহগুৰি গাঁৱত এক দুখজনক ঘটনা সংঘটিত হৈছে। ঋণৰ চাপত সন্ধানহীন মহিলা গৰাকীৰ নাম হাজেৰা খাতুন। ঋণৰ চাপ সহিব নোৱাৰি ৪৫ বছৰীয়া মহিলা গৰাকী দুটা মাহ পূৰ্বে স্বামীৰ ভাতৃৰ ঘৰৰ পৰা সন্ধানহীন হৈ পৰে।

সন্ধানহীন মহিলা হাজেৰা খাতুনৰ স্বামী আব্দুল হামিদ ভূঞাই জানিবলৈ দিয়া মতে, পুত্ৰৰ প্ৰয়োজনত ১.৫ লাখ টকা গাঁৱৰ এজনৰ পৰা ধাৰ লোৱা হৈছিল। কিন্তু ঋণৰ সময়ত পুত্ৰই দায়বদ্ধতা অস্বীকাৰ কৰিলে। এই ঘটনাই বৃদ্ধ মহিলা গৰাকীক গভীৰ মানসিক চাপত পেলাই।

হাজেৰা খাতুনে পুত্ৰক ঋণ মাৰিবলৈ অনুৰোধ কৰিলে যদিও, তাৰ কোনো ফল পোৱা নগ’ল। অৱশেষত, মানসিকভাৱে ভাঙি পৰি মহিলা গৰাকী দুটা মাহ পূৰ্বে স্বামীৰ ভাতৃৰ ঘৰৰ পৰা সন্ধানহীন হৈ পৰে। এতিয়ালৈকে সন্ধানহীন মহিলা গৰাকীৰ মিকিৰভেটা আৰক্ষীৰ সহযোগত কোনো সন্ধান লাভ হোৱা নাই।

বিগত দুটা মাহে মিকিৰভেটা আৰক্ষীৰ সহযোগতো কোনো সন্ধান লাভ কৰিবলৈ সক্ষম নোহোৱাত আজি সংবাদ মাধ্যমৰ কাষ চাপে সন্ধানহীন মহিলা গৰাকীৰ স্বামী।

অসম আৰক্ষী অসম আৰক্ষী নাগালেণ্ডত আৱদ্ধ: গাড়ী চুৰৰ বিৰুদ্ধে অভিযান চলাবলৈ গৈছিল নাগালেণ্ডৰ ইয়া চাং চি বস্তিত টীয়ক থানাৰ ভাৰপ্ৰাপ্ত বিষয়া গংগাৰাম ফুকন সহ এটা বেটেলিয়নৰ দল। যোৱা কালি সন্ধিয়া(২০২৫,৭ জানুৱাৰী মঙ্গলবাৰে) যোৱা আৰক্ষী বিষয়াজনক আৱদ্ধ কৰে নগা দুৰবৃত্তয়ে।

আৰক্ষী দলটোৰ সৈতে যোৱা টীয়ক থানাৰ অচিজনকো আৱদ্ধ কৰে নগা দুৰবৃত্তয়ে। এগৰাকী আৰক্ষী বেটেলিয়নক নগা দুৰবৃত্তৰ দলে আক্ৰমণ কৰে, গুৰুতৰভাবে আহত আৰক্ষী জোৱানজন ৷

তিনিচুকীয়া চলিহা নগৰ সন্ধানহীন কিশোৰজনৰ নাম সুভাষ ৰাম বুলি জানিব পৰা গৈছে। পৰিয়ালে অৱগত কৰে যে, ১২ বছৰীয়া কিশোৰ জন যোৱা ২০২৫,৭ তাৰিখ মঙ্গলবাৰে পুৱা ৭ বজাৰ পৰা  সন্ধানহীন। কিশোৰজনৰ পিতৃৰ নাম মাহিন্দ্ৰ ৰাম।

কিশোৰজন ৭ তাৰিখে পুৱা ৭ বজাত  মিছনপাৰাত থকা ব্যক্তিগত শিক্ষকৰ ওচৰত টিউচন কৰিবলৈ যোৱাৰ পিছৰে পৰা সন্ধানহীন হৈ আছে । তেখেতৰ পৰিয়ালে ইতিমধ্যে তেওঁলোকৰ দ্বিতীয় পুত্ৰ সন্তানক বিচাৰি আৰক্ষী কাষ চাপিছে যদিও বৰ্তমানে কিশোৰজনৰ কোনো সন্ধান লাভ কৰিবলৈ সক্ষম হোৱা নাই। তেওঁলোকৰ ঘৰখনত এক চিন্তাৰ আৰু কান্দোনৰ পৰিবেশৰ সৃষ্টি হৈছে, ২৪ ঘণ্টা সময় উকলি যোৱাৰ পিছতো সন্তানৰ কোনো সূংসূত্ৰ লাভ কৰা নাই।