গোলাঘাট(Golaghat) জিলাৰ দেৰগাঁৱত অবৈধভাৱে চলি থকা কাঠফলা মিলসমূহ সন্দৰ্ভত নতুন এক চাঞ্চল্যকৰ তথ্য পোহৰলৈ আহিছে। স্থানীয়ভাবে বিভিন্ন পক্ষক মেনেজ কৰি, এই মিলসমূহ দীৰ্ঘদিন ধৰি অবৈধভাৱে চলি আছে। গোপন তদন্তৰ অংশস্বৰূপে কেমেৰাত বন্দী কৰা হৈছে কাঠ কুণ্ডা ফলাৰ দৃশ্য,এই মিলসমূহৰ অবৈধ কাৰ্যকলাপৰ এইটোৱেই প্ৰমাণ।
Table of Contents
গোলাঘাট(Golaghat)ৰ অবৈধ কাঠফলা মিল অভিযোগ
এই অবৈধ মিলসমূহ কেৱল কাঠফলা কাৰ্যতেই সীমাবদ্ধ নহয়, স্থানীয় ৰাইজৰ অভিযোগ অনুসৰি, এই অবৈধ কাঠফলা মিলসমূহত ড্ৰাগছ, মদ, ভাঙ আদি অবৈধ সামগ্ৰীৰ আদান-প্ৰদানৰ এক কেন্দ্ৰস্থলী হিচাপেও পৰিণত হৈছে। গ্ৰাম্য পৰিবেশত যুৱ সমাজক নীতি-বিগৰিত কৰি অনৈতিক কার্যকলাপৰ প্ৰসাৰ ঘটোৱা বুলি স্থানীয় সংগঠনসমূহে উদ্বেগ প্রকাশ কৰিছে।
সদৌ অসম নাথ-যোগী সন্থাৰ তীব্ৰ প্ৰতিবাদ
এই পৰিস্থিতিৰ বিৰোধিতা কৰি সদৌ অসম নাথ-যোগী সন্থাৰ গোলাঘাট জিলা সমিতিয়ে তীব্ৰ প্ৰতিক্ৰিয়া ব্যক্ত কৰিছে। সন্থাটিৰ দাবী অনুসৰি, ৰাজ্যিক চৰকাৰ আৰু বনবিভাগে কাঠফলা মিলসমূহৰ ওচৰত তৎক্ষণাৎ কঠোৰ ব্যৱস্থা গ্ৰহণ কৰিব লাগে।
স্থানীয় ৰাইজে আশা কৰিছে যে, চৰকাৰী প্ৰশাসন আৰু বন বিভাগে এক যোগসূত্ৰৰ মাজেৰে এই সমস্যাৰ স্থায়ী সমাধান উলিয়াব।
Leave a Reply